Мектеп асханасының жұмыс барысын тексеру туралы мәлімет
Мектеп асханасының жұмыс барысын тексеру туралы мәлімет
№32 В.В.Маяковсий атындағы орта мектебінде 2018-2019 оқу жылында мектеп оқушыларын ыстық тамақпен қамтамасыз ету жұмыс жоспары құрылды.Жоспар бойынша асхана жұмысын күнделікті бақылау,оқушылардың уақытылы асханаға келуі, асхана тазалығы мен берілетін тағамдардың ас мәзіріне сай болуы,дұрыс тамақтану бойынша кіріктірілген пәндермен сабақ жоспарын ұйымдастыру және сонымен қатар акциялар бойынша жұмыс жүргізу.
Мектебімізде 2020жылдың ақпан айында директордың тәрбие ісі жөніндегі орынбасары, әлеуметтік педагог, ата-ана комитетінің төрайымы, мектеп медбикесі бірлесе отырып мектеп асханасында оқушыларды ыстық тамақпен қамту жұмысы бойынша «Ашық есік күні» ұйымдастылырылды.
Іс-шараның мақсаты: аз қамтылған, көп балалы, жетім, ата-ана қамқорынсыз қалған оқушыларының бір мезгіл тегін ыстық тамақпен қамтылуы, дайындалған астың ас мәзірімен сәйкестігі, оның сапасы, асхананың санитарлық жағдайын анықтау.
Мектеп бойынша 1 – 9 сынып аралығында 106 оқушы бір мезгіл ыстық тамақпен қамтылуда.
Тегін ыстық тамақпен қамту жұмысына жауапты ДТІЖО Г.Чалова, әлеуметтік педагог А.Жүнісова, мектеп медбикесі А.Тасқын, ата-ана комитетінің төрайымы А.Абусатова ата-аналармен мектеп асханасының ішін аралап, онда жалпы асхана жұмысы, балалардың тамақтануы мен олардың санитарлық-гигиеналық ережені сақтауы, дайындалған ас мәзірінің сапасы, мөлшерінің нормаға сәйкестігі, қол жуатын орнымен таныстырды.
Балаларға сол күнгі ас, ас мәзіріне сәйкес тағамдар дайындалып берілді.Тәуліктік сынама алынған, тоңазытқышта сақталған. Оқушылардың қол жуатын жерінде сабын қойылған. Асхана буфетінде тыйым салынған тағамдар сатылымға қойылмаған. Асханадағы балаларға ыстық тамақтануды ұйымдастыру жұмысы жақсы дейгейде. Мектеп әкімшілігі өз уақытында кезекшіліктерін атқарады. Ыстық тамақты сапалы, дұрыс ұйымдастыру жұмысы әрі қарай жалғасады.
